Nafasi za Kazi 678 - Sekretarieti ya Ajira Serikalini (TAMISEMI)MDAs & LGAs

Tangazo la Nafasi za Kazi 678 - Sekretarieti ya Ajira katika Utumishi wa Umma

Kumb. Na. JA.9/16/01/56
Tarehe: 03 Septemba, 2026

Katibu wa Sekretarieti ya Ajira katika Utumishi wa Umma, kwa niaba ya Wizara, Idara Zinazojitegemea na Wakala za Serikali (MDAs) pamoja na Mamlaka za Serikali za Mitaa (LGAs), anakaribisha maombi ya kazi kutoka kwa Watanzania wenye sifa na uwezo wa kujaza jumla ya nafasi 678 kama ilivyoainishwa katika tangazo hili.

Nafasi za Kazi Zinazotangazwa

Na.	Nafasi ya Kazi	Idadi	Ngazi ya Mshahara
1	Daktari Daraja la II (Medical Officer Grade II)	115	TGHS E
2	Afisa Muuguzi Msaidizi Daraja la II (Assistant Nursing Officer Grade II)	128	TGHS B
3	Afisa Mifugo Daraja la II (Livestock Officer Grade II)	39	TGS D
4	Tabibu wa Kinywa na Meno Daraja la II (Dental Therapist Grade II)	17	TGHS B
5	Mteknolojia Maabara Daraja la II (Health Laboratory Technologist Grade II)	25	TGHS B
6	Mwandishi Mwendesha Ofisi Daraja la II (Office Management Secretary Grade II)	74	TGS C
7	Mwalimu Daraja la III C - Somo la Fizikia	55	TGTS D
8	Mwalimu Daraja la III C - Somo la Hisabati	67	TGTS D
9	Mwalimu Daraja la III B - Somo la Fizikia	43	TGTS C
10	Mwalimu Daraja la III B - Somo la Hisabati	48	TGTS C
11	Afisa Misitu Msaidizi Daraja la II (Assistant Forest Officer Grade II)	28	TGS C
12	Afisa Afya Mazingira Msaidizi Daraja la II (Assistant Environmental Health Officer Grade II)	26	TGHS B
13	Mwalimu Daraja la III C - Somo la Fasihi ya Kiingereza	13	TGTS D

Sifa Zinazohitajika kwa Kila Nafasi

1. Daktari Daraja la II (Nafasi 115)

Kuajiriwa wenye Shahada ya Udaktari kutoka Vyuo Vikuu/Vyuo vinavyotambuliwa na Serikali, waliomaliza "Internship" na kupata usajili kutoka Baraza la Madaktari Tanganyika (Medical Council of Tanganyika).

2. Afisa Muuguzi Msaidizi Daraja la II (Nafasi 128)

Kuajiriwa wenye Stashahada (Diploma) ya Uuguzi, ya muda usiopungua miaka miwili kutoka Chuo kinachotambuliwa na Serikali, waliosajiliwa na Baraza la Wauguzi na Wakunga Tanzania.

3. Afisa Mifugo Daraja la II (Nafasi 39)

Kuajiriwa wenye Shahada ya Sayansi ya Wanyama (Animal Science) au Sayansi ya Kilimo waliobobea katika Sayansi ya Wanyama kutoka Chuo Kikuu cha Kilimo cha Sokoine, au sifa inayolingana na hiyo kutoka chuo kingine kinachotambuliwa na Serikali.

4. Tabibu wa Kinywa na Meno Daraja la II (Nafasi 17)

Kuajiriwa wenye Stashahada ya Tabibu wa Meno (Diploma in Clinical Dentistry) kutoka Chuo kinachotambuliwa na Serikali, pia awe amesajiliwa na Baraza la Madaktari.

5. Mteknolojia Maabara Daraja la II (Nafasi 25)

Kuajiriwa wenye Stashahada katika fani ya Uteknolojia wa Maabara za Afya kutoka Chuo kinachotambuliwa na Serikali, ambao wamesajiliwa na Baraza la Wataalam wa Maabara.

6. Mwandishi Mwendesha Ofisi Daraja la II (Nafasi 74)

Kuajiriwa wahitimu wa Kidato cha Nne au Kidato cha Sita wenye Stashahada (NTA Level 6) ya Uhazili (Secretarial Studies). Aidha, wawe wamefaulu somo la Hatimkato ya Kiswahili na Kiingereza maneno 100 kwa dakika moja, na kupata mafunzo ya programu za kompyuta za ofisi kama vile Word, Excel, PowerPoint, Internet, E-mail na Publisher kutoka chuo chochote kinachotambuliwa na Serikali.

7. Mwalimu Daraja la III C - Somo la Fizikia (Nafasi 55)

Kuajiriwa mwenye Shahada ya Elimu (Bachelor with Education) au Shahada ya Ualimu (Bachelor of Education) yenye somo la kufundishia la Fizikia, au Shahada isiyo ya Ualimu/Elimu yenye somo la kufundishia la Fizikia pamoja na Stashahada ya Uzamili ya Elimu (Postgraduate Diploma in Education) kutoka Vyuo vya Elimu ya Juu vinavyotambulika na Serikali.

8. Mwalimu Daraja la III C - Somo la Hisabati (Nafasi 67)

Kuajiriwa mwenye Shahada ya Elimu (Bachelor with Education) au Shahada ya Ualimu (Bachelor of Education) yenye somo la kufundishia la Hisabati, au Shahada isiyo ya Ualimu/Elimu yenye somo la kufundishia la Hisabati pamoja na Stashahada ya Uzamili ya Elimu (Postgraduate Diploma in Education) kutoka Vyuo vya Elimu ya Juu vinavyotambulika na Serikali.

9. Mwalimu Daraja la III B - Somo la Fizikia (Nafasi 43)

Kuajiriwa wahitimu wenye cheti cha Mtihani wa Taifa wa Kidato cha Sita, waliofaulu masomo mawili au zaidi yanayofundishwa shuleni na kufaulu mafunzo ya Stashahada ya Ualimu ya miaka miwili yenye somo la kufundishia la Fizikia kutoka Vyuo vya Ualimu vinavyotambulika na Serikali.

10. Mwalimu Daraja la III B - Somo la Hisabati (Nafasi 48)

Kuajiriwa mwenye cheti cha Mtihani wa Taifa wa Kidato cha Sita, aliyefaulu masomo mawili au zaidi yanayofundishwa shuleni na kufaulu mafunzo ya Stashahada ya Ualimu ya miaka miwili yenye somo la kufundishia la Hisabati kutoka Vyuo vya Ualimu vinavyotambulika na Serikali.

11. Afisa Misitu Msaidizi Daraja la II (Nafasi 28)

Kuajiriwa wenye Stashahada katika mojawapo ya fani zifuatazo: Forestry, Agroforestry, Forest Resources Assessment and Management, Forest Biology, Forest Economics, Forest Engineering, au fani nyingine inayoendana na hiyo kutoka katika Taasisi au Vyuo vinavyotambulika na Serikali.

12. Afisa Afya Mazingira Msaidizi Daraja la II (Nafasi 26)

Kuajiriwa wenye Stashahada ya Sayansi ya Afya ya Mazingira kutoka chuo kinachotambuliwa na Serikali, na wawe wamesajiliwa na Bodi ya Wataalamu wa Afya Mazingira.

13. Mwalimu Daraja la III C - Somo la Fasihi ya Kiingereza (Nafasi 13)

Kuajiriwa mwenye Shahada ya Elimu (Bachelor with Education) au Shahada ya Ualimu (Bachelor of Education) yenye somo la kufundishia la Fasihi ya Kiingereza, au Shahada isiyo ya Ualimu/Elimu yenye somo la kufundishia la Fasihi ya Kiingereza pamoja na Stashahada ya Uzamili ya Elimu (Postgraduate Diploma in Education) kutoka Vyuo vya Elimu ya Juu vinavyotambulika na Serikali.

Masharti ya Jumla

• Waombaji wote lazima wawe raia wa Jamhuri ya Muungano wa Tanzania na wasizidi umri wa miaka 45.
• Waombaji wenye ulemavu wanahamasishwa kutuma maombi na wanapaswa kuainisha kwenye mfumo wa kuombea ajira ulemavu walionao kwa ajili ya taarifa kwa Sekretarieti ya Ajira katika Utumishi wa Umma.
• Waombaji wote waambatishe cheti cha kuzaliwa kilichothibitishwa na Mwanasheria/Wakili.
• Waombaji kazi ambao ni waajiriwa katika Utumishi wa Umma WASIOMBE, na wanatakiwa kuzingatia maelekezo yaliyopo katika waraka namba CAC45/257/01/D/140 wa tarehe 30 Novemba 2010.
• Maombi yote yaambatane na vyeti vya taaluma, maelezo, na nakala za vyeti vilivyothibitishwa na Mwanasheria/Wakili, ikiwemo vyeti vya kuzaliwa na vyeti vya kuhitimu mafunzo mbalimbali kwa kuzingatia sifa za kazi husika (Postgraduate/Degree/Advanced Diploma/Diploma/Certificates), pamoja na vyeti vya kitaaluma kutoka bodi husika.
• "Testimonials", "Provisional Results", "Statement of Results", na hati matokeo za Kidato cha Nne na Sita (Form IV and Form VI Results Slips) HAVITAKUBALIWA.
• Waombaji waliosoma nje ya Tanzania wahakikishe vyeti vyao vimehakikiwa na kuidhinishwa na Mamlaka husika (TCU, NECTA na NACTVET). Kwa kada zinazohitaji GPA, waambatishe cheti cha ukokotozi wa GPA kutoka TCU.
• Waombaji waliostaafishwa katika Utumishi wa Umma hawaruhusiwi kuomba isipokuwa kama wana kibali cha Katibu Mkuu Kiongozi.
• Uwasilishaji wa taarifa na sifa za kughushi utachukuliwa hatua za kisheria.
• Maombi yote yatumwe kwenye mfumo wa kielektroniki wa Ajira (Recruitment Portal) pekee. Maombi yatakayowasilishwa nje ya utaratibu ulioainishwa katika tangazo hili HAYATAFIKIRIWA.
• Ni marufuku kutoa au kupokea rushwa kwa lengo la kupata ajira au kupangiwa kituo cha kazi.

Anuani ya Barua ya Maombi

KATIBU
OFISI YA RAIS
SEKRETARIETI YA AJIRA KATIKA UTUMISHI WA UMMA
MTAA WA MAHAKAMA, TAMBUKARELI
S. L. P. 2320, DODOMA

Tarehe ya Mwisho ya Kutuma Maombi

17 Septemba, 2026