Nafasi za Kujitolea WMA 2026: Assistant Weights and Measures Officer, PRO II, ICT Officer II na Economist II - Wakala wa Vipimo

Nafasi za Kujitolea WMA - Wakala wa Vipimo (Weights and Measures Agency) 2026

Wakala wa Vipimo (WMA) ni Wakala Mtendaji ulio chini ya Wizara ya Viwanda na Biashara, ulioanzishwa mwaka 2002 chini ya Sheria ya Wakala za Utendaji, Sura ya 245. Uanzishwaji wake ulikuwa sehemu ya Mpango wa Marekebisho ya Utumishi wa Umma (PSRP II), wenye lengo la kuboresha ufanisi na ufaafu wa utoaji wa huduma za umma. Wakala hutekeleza majukumu yake kwa mujibu wa Sheria ya Vipimo, Sura ya 340. Kama sehemu ya dhamira yake ya kusaidia maendeleo ya kitaaluma na kuwajengea wahitimu vijana uzoefu wa vitendo mahali pa kazi, WMA inakaribisha wahitimu Watanzania wenye sifa, uwezo, motisha na ari kuomba nafasi tisa (9) za kujitolea kwa kipindi cha miezi kumi na miwili (12) katika kada mbalimbali.

Baadhi ya Nafasi Zinazotangazwa

• Assistant Weights and Measures Officer (Nafasi 5) - Sifa: Diploma ya Legal and Industrial Metrology kutoka chuo kinachotambulika.
• Public Relations Officer II (Nafasi 2) - Sifa: Shahada ya Kwanza katika Mass Communication, Journalism, Public Relations, Business Communication au fani nyingine zinazohusiana kutoka vyuo vinavyotambulika.
• ICT Officer II (Nafasi 1) - Sifa: Shahada ya Kwanza katika Computer Science, Software Engineering, Telecommunication Engineering, Electronic Engineering, Network Engineering, Information Systems, Cyber Security, Information Technology, Computer Engineering au fani nyingine zinazohusiana.

Kuna nafasi nyingine zaidi (ikiwemo Economist II) zenye masharti na sifa zake maalum. Tafadhali pakua PDF hapa chini kwa maelezo kamili ya majukumu na sifa za kila nafasi.

Masharti ya Jumla

• Waombaji wawe Raia wa Tanzania wenye umri kati ya miaka 18 na 35.
• Waambatanishe Wasifu (CV) wa hivi karibuni wenye mawasiliano ya uhakika, ikiwemo anwani ya posta, barua pepe na namba za simu.
• Waambatanishe nakala zilizothibitishwa za vyeti vya kitaaluma na kitaalamu, transcripts za kitaaluma, na cheti cha kuzaliwa.
• Waombaji lazima wawe na wadhamini wawili ambao ni Watumishi wa Umma.
• Waambatanishe barua ya utambulisho kutoka kwa Afisa Mtendaji wa Kijiji/Mtaa au Mamlaka ya Serikali za Mitaa husika.
• Waombaji lazima wawe tayari kujitolea katika eneo watakalopangiwa.
• Waambatanishe nakala ya Kitambulisho cha Taifa (NIDA).
• Waombaji wasiwe wamewahi kutiwa hatiani na Mahakama yoyote kwa makosa ya jinai au kinidhamu, na wawe na mwenendo mzuri na tabia njema inayokubalika kijamii.
• Waombaji wasiwe wameajiriwa katika Taasisi yoyote ya Umma tangu wahitimu.
• Testimonials, Matokeo ya Muda, Statement of Results, na Result Slips za Kidato cha IV na VI hazitakubaliwa.
• Vyeti vyote vya kitaaluma vya kigeni lazima vitambuliwe na mamlaka husika, yaani TCU, NECTA, au NACTVET. Waombaji wa nafasi zinazohitaji GPA maalum wanapaswa kuambatanisha Cheti cha Uhesabuji wa GPA kilichotolewa na TCU.
• Mpango huu wa kujitolea ni kwa ajili ya kujenga ujuzi na kupata uzoefu wa kazi pekee, na hautahesabika kama msingi wa ajira ya moja kwa moja katika Utumishi wa Umma.
• Barua ya maombi iliyosainiwa, iliyoandikwa kwa Kiswahili au Kiingereza, ielekezwe kwa: Mtendaji Mkuu, Wakala wa Vipimo (WMA), S.L.P. 2014, Vipimo House, Dodoma.
• Waliochaguliwa tu ndio watawasiliana nao.

Tarehe ya Mwisho ya Maombi

Maombi yawasilishwe ndani ya siku kumi na nne (14) kuanzia tarehe ya tangazo hili (18 Septemba 2026).

Pakua PDF Hapa